"Биз Путинга ҳам, Кремлга ҳам ҳужум қилганимиз йўқ"
Зеленский Москванинг айбловларини рад этди.
Владимир Зеленский Хелсинкида Скандинавия давлатлари раҳбарлари билан учрашувда Кремлнинг Россия президентига суиқасдга алоқадорлик айбловларини рад этди.
У Киевнинг Кремлга қилинган учувчисиз самолёт ҳужумига алоқаси йўқлигини айтди.
Украинада қурол йўқ ва уни ўз ҳудудидан ташқарида қўлламайди, деди Украина раҳбари.
Зеленский Кремлнинг воқеага алоқадорлиги ҳақидаги айбловларини асоссиз деб атади.
"Биз Путинга ҳам, Москвага ҳам ҳужум қилмаяпмиз. Биз ўз ҳудудимизда жанг қиляпмиз. Бунинг учун ҳам қуролимиз етарли эмас. Биз Путинга ҳужум қилганимиз йўқ", — деди Украина президенти.
Шунингдек, музокаралар чоғида Финляндия, Швеция, Норвегия, Дания ва Исландия етакчилари ўз давлатлари Киевни қанча вақт керак бўлса, қўллаб-қувватлашини тасдиқлади.
Шу кунга қадар Скандинавия давлатлари Украинага 4,4 миллиард евро миқдорида ҳарбий ёрдам кўрсатган.
Улар Киев таклиф қилган тинчлик моделини, Россия Федерациясига қарши санкцияларни кучайтиришни, уруш жиноятлари бўйича трибунални яратишни ва Россия тажовузи натижасида етказилган йўқотишларни қоплаш механизмини қўллаб-қувватламоқда.
