Бугун пойтахтнинг айрим туманларида газ ўчади
"Ҳудудгаз Пойтахт" бу ҳақда маълум қилди.
Таъмирлаш ишлари сабабли Янгиҳаёт туманининг айрим жойларида табиий газ таъминоти вақтинчалик тўхтатилади.
Янгиҳаёт тумани "Ал-Фарғоний" МФЙ ҳудудида жойлашган Автопилот ЭГҲУсига шайба ўрнатиш ишлари “Ҳудудгаз Пойтахт” ГТФнинг “Янгиҳаёттумангаз” газ таъминоти бўлими томонидан амалга ошириш режалаштирилган.
Шу туфайли жорий йилнинг 6-май куни соат 11:00дан 18:00га қадар қуйидаги табиий газ истеъмолчиларида газ таъминоти вақтинчалик тўхтатилади.
Шундан аҳоли ва улгуржи истеъмолчилари:
"Ал-Фарғоний", "Тошкент", "Файзли", "Чортоқ" МФЙларидаги жами 2 487 та уй хўжаликларида ва ҳудуддаги кўп қаватли уйларда истиқомат қилувчи 1 189 та аҳоли хонадонларида ҳамда 86 та улгуржи истеъмолчиларида.
"Таъмирлаш ишлари якунлангач, табиий газ таъминоти қайта тикланади. Етказилаётган ноқулайликлар учун "Ҳудудгаз Пойтахт" газ таъминоти филиали истеъмолчилардан узр сўрайди", дейилади хабарда.
