Туркия АҚШнинг таклифини рад этди
Мавлуд Чавушўғлининг маълум қилишича, Вашингтоннинг таклифи Туркия суверенитетини бузишга қаратилган.
АҚШ Туркияга аввалроқ Россиядан сотиб олинган S-400 ҳаво мудофаа тизимини Украинага юборишни таклиф қилди. Бироқ Анқара бу таклифни рад этди. Бу ҳақда Туркия ташқи ишлар вазири Мавлуд Чавушўғли маълум қилди.
Қўшма Штатлар S-400 тизимининг мавжудлиги Туркияни замонавий Ғарбий F-35 қирувчи самолётларини ишлаб чиқиш ва ўзлаштириш дастуридан чиқариб ташлашини айтди, шунинг учун улар Анқарага тизим устидан назоратни Америка ёки бошқа давлатга ўтказишни таклиф қилишди.
Туркия ТИВ раҳбарининг сўзларига кўра, бу таклифлар Туркия суверенитетини бузишга қаратилгани учун мамлакат учун номақбул деб ҳисобланади.
S-400 — бу Россиянинг узоқ ва ўрта масофага мўлжалланган зенит-ракета мажмуаси, янги авлод зенит-ракета тизимидир. Аэрокосмик ҳужумнинг барча воситаларини йўқ қилиш учун яратилган.
