Ўрганган кўнгил ўртанса қўймас: Мелания Трамп яна биринчи хоним бўлишни орзиқиб кутаётганини айтди
У агар эри сайловда ютса, президентнинг ёнида бирга ишлашини айтди.
АҚШ президентлигига номзод Дональд Трампнинг рафиқаси Мелания эрининг сайловолди кампаниясини қўллаб-қувватлади ва яна биринчи хоним бўлиш у учун шараф бўлишини айтди. Агар эри муваффақиятга эришса, у болаларнинг фаровонлиги ва ривожланишига қаратилган "Энг яхши бўл" ташаббусларига эътибор қаратишга ваъда берди.
Мелания "келажакка умидни тиклаш ва Американи севги билан бошқариш" учун эри билан бирга ишлашни орзиқиб кутаётганини айтди.
"Турмуш ўртоғим ўзининг биринчи бошқарувида улкан ютуқларга эришди ва у бизни буюклик ва фаровонликка қайтариши мумкин", — дейди собиқ биринчи хоним.
Айни пайтда Дональд Tрамп Республикачилар партиясидан президентликка номзодлик учун курашда етакчилик қилмоқда.
