Президент сайловига муддатидан олдин овоз бериш санаси маълум бўлди
Овоз бериш куни ўз яшаш жойида бўлмаганлар муддатидан олдин овоз беришлари мумкин.
Ўзбекистон Президенти сайловига муддатидан олдин овоз бериш жараёнлари 28 июндан 5 июлгача бўлиб ўтади. Бу ҳақда Марказий сайлов комиссияси матбуот хизмати маълум қилди.
Марказий сайлов комиссиясининг муддатидан илгари Ўзбекистон Президенти сайловини ўтказиш бўйича календарь режасига мувофиқ Ўзбекистон Республикаси Президенти сайловига муддатидан олдин овоз бериш жараёнлари сайловга 10 кун қолганда бошланади ва 3 кун қолганда тугайди, яъни 28 июндан 5 июлгача бўлиб ўтади.
Маълумот учун, сайлов куни ўз яшаш жойида бўлиш имкониятига эга бўлмаган сайловчи муддатидан олдин овоз бериш ҳуқуқига эга.
Эслатиб ўтамиз, Шавкат Мирзиёев Ўзбекистонда Президент сайлови муддатидан илгари ўтказилиши ҳақида фармонга имзо қўйганди. Сайлов жорий йилнинг 9 июль кунига тайинланди.
