Ригина Адашбаева оғир атлетика бўйича Осиё чемпионатида 2 та медалли бўлди
Бу ҳақда Миллий Олимпия қўмитаси хабар берди.
Жанубий Кореяда бўлиб ўтаётган оғир атлетика бўйича Осиё чемпионати Ўзбекистон терма жамоаси учун муваффақиятли ортда қолди, дея хабар бермоқда Миллий Олимпия қўмитаси.
Кеча, 11 май куни аёллар ўртасида -87 кг вазн тоифасида кечган баҳсларда иштирок этган Ригина Адашбаева кумуш ва бронза медалларини қўлга киритди.
Ригина оғир атлетиканинг даст кўтариш машқида 103 килограмм натижа билан иккинчи ўринни эгаллади. Силтаб кўтаришда эса 127 килограмм оғирликдаги тошни ўзига бўйсундириб тўртинчи натижани қайд этди. Икки кураш натижаси бўйича 230 килограмм оғирликни кўрган спортчи шоҳсупанинг учинчи поғонасидан жой олди.
Ушбу вазнда икки кураш натижасига кўра, қитъа чемпионатининг олтин медали Хитой Тайпейи вакиласи Йинг-Юань Ло насиб этди, Жанубий Корея спортчиси Ха-Же Юн эса кумуш медални қўлга киритди.
