Тошкентда Spark ЙТҲга учраб, ағдарилиб кетди
Ҳодиса оқибатида 3 киши тан жароҳати олган.
Кеча, 13 май куни Тошкент шаҳрининг Чилонзор туманида Spark автомашинаси йўл-транспорт ҳодисасига учради.
Ҳодиса соат 05:00 ларда Чилонзор туманининг Тошкент ҳалқа айланма йўли кўчасида юз берган. 2003 йилда туғилган A.С. Spark автомашинасини бошқариб кетаётиб, руль бошқарувини йўқотган ва транспорт воситаси ағдарилиб кетган.
ЙТҲ оқибатида уч киши: ҳайдовчи A.С. ва икки нафар йўловчи тан жароҳатлари олиб шифохонага ётқизилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
