0
Бувайда туманида Nexia ЙТҲга учради
Ҳолат бўйича ЙҲХБ маълумот берди.
Фарғона вилоятининг Бувайда туманида 9 май куни Nexia автомашинаси йўл-транспорт ҳодисасига учради. Ҳолат юзасидан вилоят ИИБ ЙҲХБ маълумот берди.
Ҳолат соат 09:30 ларда Бувайда тумани ҳудудидан ўтган 4К-883 Янгиқўрғон–Қўрғонча–Жов автомобиль йўлининг 4-километрида содир бўлган. 1971 йилда туғилган М.М. Nexia русумли транспорт воситасини бошқариб кетаётиб, қувиб ўтиш вақтида руль бошқарувини йўқотган ва йўлнинг қарама-қарши томонидаги қурилишда ишлатиладиган қаттиқ жисмга бориб урилган.
ЙТҲ оқибатида ҳайдовчи тан жароҳати олмаган ва автомобилда йўловчилар бўлмаган. Ушбу ҳолат юзасидан терговга қадар текширув ҳаракатлари олиб борилмоқда.
