Жамоа қайтадан қурилмоқда—Карло Анчелотти

 

“Реал” бош мураббийи Карло Анчелотти “қироллик клуби” жамоаси қайтадан қурилаётгани борасида гапирди.

 

“Жамоани қайта қуриш ишлари анча олдин, яъни мен келишимдан олдин бошланган. Бу жамоа ажойиб футболчиларини, масалан, 2018 йилда Криштиану Роналдуни йўқотган бўлса-да, буюк натижаларга эришди. Ёш ва иқтидорли футболчилар келишни бошлади. Бу ерга келганимда ҳам кетишлар давом этди: Варан, Рамос, Марсело, Бэйл, Иско...

 

Ўтган мавсумда Винисиус сезиларли даражада яхши ўйин кўрсатди, шунингдек, Каваминга, Родриго, Милитао, Вальверде каби футболчилар ҳам. Ўтиш даври навбатдаги мавсумда ҳам давом этади. Ёш футболчилар фахрийлардан кўра сезиларлироқ вазифаларни бажаришади. Модрич, Кроос, Бензема, Карвахаль каби футболчилар жамоадан кетганидан кейингина ишлар якунига етди деб ҳисобласа бўлади”, — деди Анчелотти.