Аср охирига бориб, дунёнинг 1/5 қисми жазирамадан азият чекади
“Бу сайёранинг ўзгаришига олиб келиши мумкин”, — дейди олимлар.
Эксетер ва Нанкин университетлари олимларининг фикрича, 2100 йилга бориб дунё аҳолисининг бешдан бир қисми юқори ҳароратдан азият чекади.
Аср охирига бориб Ердаги ҳаво ҳарорати Цельсий бўйича 2,7 даражага кўтарилади. Натижада жазирама тўлқинларига дучор бўладиган одамлар сони икки миллиардга етади.
Олимларнинг қайд этишича, агар ҳарорат Цельсий бўйича 3,6-4,4 даражага кўтарилса, бу иқлим инқирози учун энг ёмон ҳолат бўлади. Бундай ҳолда дунё аҳолисининг ярми қулай иқлим зонасидан ташқарида бўлиши мумкин.
“Бу сайёрамизнинг яшашга яроқлилигидаги туб ўзгаришдир. Бу одамлар яшайдиган Ер юзасининг кенг кўламли ўзгаришига олиб келиши мумкин”, — деди Эксетер университетидаги Глобал тизимлар институти директори Тим Лентон.
