Рэнди Уильямс саёҳат бўйича рекорд ўрнатди
У БМТнинг 193 давлатига, шунингдек, Фаластин ва Ватиканга ҳам саёҳат қилган.
Америкалик эркак сайёҳ сифатида дунёнинг кўплаб мамлакатларига бориш бўйича рекорд ўрнатди. У охирги сафарини Туркманистонга қилган.
Гап Сан-Диеголик Рэнди Уильямс ҳақида кетмоқда. Эркак Марказий Осиё давлатига сайёҳлар учун чегаралар очилганидан кейин кела олди.
Уилямс Бирлашган Миллатлар Ташкилотининг 193 давлатига, шунингдек, Фаластин ва Ватиканга ҳам саёҳат қилган. Бундан ташқари, у баҳсли ҳудудларда, жумладан Тайван ва Ғарбий Саҳрода ҳам бўлган. KGTV телеканали журналистларига берган интервьюсида Рэнди ҳозир қаерга бориш кераклиги ҳақида ўйлаётганини айтди.
