0
Эрон янги баллистик ракетани намойиш қилди
Франция Ташқи ишлар вазирлиги Эроннинг бу ҳаракатини қоралади.
Эрон Мудофаа вазирлиги ўзининг сўнгги баллистик ракетасини намойиш қилди. Экспертлар фикрича, бу Исроил ва Ғарб давлатлари билан зиддиятни кучайтириши мумкин.
Жумладан, Франция Ташқи ишлар вазирлиги Эрон томонидан баллистик ракета учирилишини қоралади ва буни БМТ Хавфсизлик кенгашининг 2015-йилда қабул қилинган Эрон ядровий муаммоси бўйича резолюциясини бузиш деб атади.
Ракетанинг учирилиши акс этган кадрлар давлат телевидениеси томонидан эълон қилинди. Теҳроннинг айтишича, унинг қуроллари минтақадаги Исроил ва АҚШ базаларига етиб бориши мумкин.
Мудофаа вазирлиги маълумотларига кўра, бу ракетанинг учиш масофаси икки минг километрни ташкил қилади.
