Нидерландия Путиннинг собиқ куёви мол-мулкини мусодара қилди
Мамлакат ҳуқуқ-тартибот идоралари унга қизиқиш билдиргани учун у Россияга қайтишга мажбур бўлган.
Путиннинг собиқ куёви яқинда Амстердамга учиб кетган, бироқ Нидерландия ҳуқуқ-тартибот идоралари унга қизиқиш билдиргани учун у Россияга қайтишга мажбур бўлган.
Владимир Путиннинг тўнғич қизи саналган Мария Воронцованинг собиқ эри Йоррита Фаассеннинг мол-мулки мусодара қилингани ҳақида дунёнинг қатор нашрлари хабар берди.
Тергов маълумотларига кўра, Путиннинг собиқ куёви Амстердам чеккасидаги 1432 квадрат метр майдонга эга ерни Путиннинг Ротенберг тузилмаларидан 450 минг eврога сотиб олган.
The Guardian нашрининг ёзишича, Нидерландия прокуратураси 12 май куни ерни тортиб олган. Бу Фаассен жиноий ишда айбланувчига айланганини англатиши мумкин.
Фаассеннинг таниши Proekt нашрига айтишича, Путиннинг собиқ куёви яқинда Амстердамга учиб кетган. Бироқ Нидерландия ҳуқуқ-тартибот идоралари унга қизиқиш билдиргани учун у Россияга қайтишга мажбур бўлган. Фаассен Амстердамга келгач, санкциялардан бўйин товлагани билан боғлиқ ҳолда сўроқ қилинган.
