АҚШнинг Тошкентдаги элчихонаси виза тўлови оширилганини маълум қилди
Нархларнинг ошиши 17 июндан бошлаб кучга киради.
АҚШнинг Тошкентдаги элчихонаси матбуот хизматининг хабар беришича, АҚШ туристик виза тоифасига ҳамда петиция талаб этмайдиган ноиммиграцион виза турларига мурожаат этувчилар учун маъмурий тўлов миқдори 2023 йил 17 июндан бошлаб 160 АҚШ долларидан 185 АҚШ долларига кўтарилади.
Шунингдек, вақтинчалик ишчилар учун петиция (H, L, O, P, Q ва R тоифалари) асосидаги бошқа ноиммиграцион визалар учун виза тўловлари 190 доллардан 205 долларгача кўтарилади.
Давлат департаментининг тушунтиришича, ноиммиграцион визалар учун тўловлар консуллик хизматларларининг нархига боғлиқ.
