Wikimedia фонди 37 минг доллар жаримага тортилди

 

Wikipedia онлайн энциклопедияси инфратузилмасини юритувчи Wikimedia фонди нотўғри маълумотларга асосланган мақолани олиб ташлашдан бош тортгани учун уч миллион рубль миқдорида жаримага тортилди. Бу ҳақда «ТАСС» хабар бермоқда. 

 

Бунга Wikipedia'га жойланган Украинадаги махсус операция, хусусан, Харков вилоятидаги воқеалар ҳақидаги мақола сабаб бўлди. Роскомнадзор материални олиб ташлашни талаб қилди, аммо ташкилот бундан бош тортди.

 

Натижада Москва суди Wikimedia фондини Маъмурий жавобгарлик тўғрисидаги кодекснинг 13.41-моддаси 2-қисми (агар сайт эгаси томонидан маълумотни йўқ қилиш мажбурияти қонун ҳужжатларида назарда тутилган бўлса, уни ўчирмаслик) бўйича айбдор деб топди.

 

Wikimedia жамғармаси ўчирилиши мумкин бўлган маълумотларга киришни чекламагани учун Россияда бир неча бор судга тортилган. Шундай қилиб, аввалроқ компания Россия Қуролли Кучларининг 40-инженерлик полки ҳақида тақиқланган маълумотларга эга бўлган материални олиб ташламагани учун икки миллион рубль миқдорида жаримага тортилган эди.