Олтиариқда сувга чўкиб кетган бола жасади топилди
Қидирув ишлари бир ҳафтадан ортиқ вақт давом этган.
Фарғона вилоятининг Олтиариқ туманида сувга чўкиб кетган боланинг жасади топилди. Бу ҳақда вилоят Фавқулодда вазиятлар бошқармаси хабар бермоқда.
Қайд этилишича, 25 май куни соат 14:28 да Қўштепа тумани «Пахтакор» МФЙ ҳудудидан оқиб ўтадиган Жанубий Катта Фарғона каналида фуқаро чўмилаётган вақтидан чўкиб кетган. Бугун, 3 июнь куни соат 18:20 да унинг жасади ФВБ ғаввос-қутқарувчилари томонидан Олтиариқ тумани Тинчлик шаҳарчасидан оқиб ўтувчи Жанубий Катта Фарғона каналидан топилган.
“Фуқароларимиздан чўмилиш тақиқланган жойларда чўмилмасликларини сўраб қоламиз”, — дейилади хабарда.
