Журналистни сўккан эркак 5 суткага қамалди
Бугун унинг иши судда кўриб чиқилган.
Аввалроқ МY5 телеканали мухбири Тошкент шаҳри Мирзо Улуғбек туманида аҳоли мурожаатини ўрганаётган пайтда тазйиққа учрагани ҳақида хабар берилганди.
Бугун, 5 июнь куни очиқ суд мажлисида М.Я.га оид маъмурий ҳуқуқбузарлик тўғрисидаги иш кўриб чиқилди.
Жиноят ишлари бўйича Мирзо Улуғбек туман судининг қарорига кўра, М.Я. Маъмурий жавобгарлик тўғрисидаги кодекснинг 183-моддаси (майда безорилик) да назарда тутилган ҳуқуқбузарликни содир қилган деб топилиб, унга 5 сутка маъмурий қамоқ жазоси тайинланди.
Ушбу қарордан норози тарафлар қонунда белгиланган тартиб ва муддатда Тошкент шаҳар судининг апелляция инстанциясига шикоят бериш ва протест билдиришга ҳақли экани маълум қилинган.
