Шавкат Мирзиёев Италияга ташрифини якунлади
Шундан сўнг Президент Тошкентга жўнаб кетган.
Ўзбекистон Республикаси Президенти Шавкат Мирзиёевнинг Италия Республикасига тадбирларга бой тарихий ташрифи якунига етди.
Давлат раҳбари Римда Италия Президенти Сержо Маттарелла ва Бош вазири Жоржа Мелони билан самарали музокаралар ўтказди. Икки мамлакат ўртасида стратегик шериклик муносабатларини ўрнатиш тўғрисида қўшма декларация қабул қилинди.
БМТ Озиқ-овқат ва қишлоқ хўжалиги ташкилоти бош директори Цюй Дунъюй билан ҳам учрашув бўлиб ўтди.
Милан шаҳрида ишбилармонлик тадбирлари ўтказилди. Президент Ломбардия губернатори Аттилио Фонтанани қабул қилди, Италиянинг йирик компаниялари вакиллари билан давра суҳбати ўтказди ҳамда тўқимачилик машинасозлиги кўргазмасига ташриф буюрди.
Ташриф доирасидаги тадбирлар якунлангач, Миланнинг “Мальпенсе” аэропортида давлат раҳбарини Ломбардия вилояти губернатори Аттилио Фонтана ва бошқа расмий шахслар кузатиб қўйди. Президент Тошкентга жўнаб кетди.
