Тошкентда фуқарони четга ўқишга юбормоқчи бўлган фирибгар ушланди
У бунинг учун 10 минг АҚШ доллари сўраган.
Жанубий Корея ва Германия давлатларига юборишни ваъда қилган фирибгарлар ушланди, дея хабар бермоқда Бош прокуратура ҳузуридаги Иқтисодий жиноятларга қарши курашиш департаменти.
Тошкент шаҳрининг Чилонзор туманида ўтказилган тадбирда фуқаро А.Ж. фуқаро А.А.нинг ишончига кириб, уни танишлари ёрдамида Жанубий Корея давлатига ўқишга юбориш ҳамда виза ҳужжатларини тайёрлаб бериш эвазига 10 000 АҚШ долларини олган вақтида ашёвий далиллар билан ушланган.
Департаментнинг Тупроққалъа туман бўлими томонидан ўтказилган терговга қадар текширувда фуқаро M.А. фуқаро Б.Д.ни гўёки юқори лавозимда ишловчи танишлари орқали 2 000 АҚШ доллари эвазига Германия давлатига ишга юборишини айтиб, шундан 500 АҚШ доллари ва 2,6 млн сўмини фирибгарлик йўли билан қўлга киритганлиги аниқланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
