ТИВ ўринбосари БАА ва Эрон элчилари билан учрашув ўтказди
Унда бўлажак олий ва юқори даражадаги қўшма тадбирларнинг жадвали ва ташкилий жиҳатлари кўриб чиқилди.
Ўзбекистон ташқи ишлар вазири ўринбосари Баҳромжон Аълоев Бирлашган Араб Амирликлари ва Эроннинг Ўзбекистондаги Фавқулодда ва мухтор элчилари Саид ал-Қамзий ҳамда Ҳамид Найрабодий билан алоҳида учрашувлар ўтказди. Бу ҳақда вазирлик матбуот хизмати хабар берди.
Музокараларда Ўзбекистоннинг ушбу давлатлар билан сиёсий мулоқотини кенгайтириш, савдо-иқтисодий ва инвестициявий алоқаларни ривожлантириш, маданий-гуманитар алмашинувларни фаоллаштириш масалалари муҳокама қилинди.
Бўлажак олий ва юқори даражадаги қўшма тадбирларнинг жадвали ва ташкилий жиҳатлари кўриб чиқилди.
