Фарғонада уйида кўкнори етиштираётган шахс аниқланди
Ҳозирда унга нисбатан жиноят иши очилган.
Фарғона туманида 314 туп гиёҳвандлик ўсимликларини парваришлаган шахс фош бўлди, дея хабар бермоқда ИИВ ахборот хизмати.
Жорий йилнинг 2 июнь куни туман ИИБ ходимлари томонидан «Қорадори-2023» тадбири ўтказилган. Гулшан маҳалласи ҳудудида яшовчи X.S.ning яшаш хонадони холислар иштирокида кўздан кечирилганда томорқасида 314 туп кўкнори гиёҳвандлик ўсимликларни парваришлаб келаётганлиги аниқланиб, ашёвий далил тариқасида олинган.
Ҳолат юзасидан Фарғона тумани ИИБ ҳузуридаги тергов бўлими томонидан Жиноят кодексининг 270-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Мазкур жиноятни содир этган шахс уч йилгача озодликдан маҳрум қилиш билан жазоланиши мумкин.
