Андижонда Nexia-3 ва Matiz ЙТҲга учради
Ҳолат бўйича ЙҲХБ маълумот берди.
Бугун, 15 июнь куни Андижон вилоятининг Андижон туманида иккита автомашина иштирокида йўл-транспорт ҳодисаси содир бўлди. Ҳолат бўйича вилоят ИИБ ЙҲХБ маълумот берди.
Ҳолат соат 14:30 ларда Андижон тумани ҳудудидан ўтган “Андижон ҳалқа йўли”да юз берган. Унда Nexia-3 ҳамда Matiz русумли автомашиналар ўзаро тўқнашиб кетган. ЙТҲ Nexia-3 ҳайдовчиси — 1996 йилда туғилган А.Р.нинг қарама-қарши йўлдан келаётган Matiz русумли транспорт воситасининг йўлига чиқиб юбориши оқибатида рўй берган.
Ҳодиса оқибатида Matiz русумли автомашина ҳайдовчиси ШТТЁБга мурожаат қилган. Хар иккала автомашиналар техник шикастланган.
Ушбу ҳолат Андижон туман ИИБ томонидан рўйхатга олиниб, ҳозирда туман ИИБ ЙҲХГ томонидан суриштирув ишлари олиб борилмоқда.
