Оқ уй «тахти»га яна бир даъвогар чиқди
Маями мери ҳам сиёсий пойгага кирмоқчи.
Маями мери Френсис Суарес келаси йилнинг ноябрида бўлиб ўтадиган АҚШ президентлиги сайловларида иштирок этиш нияти борлигини маълум қилди. У Республикачилар партиясидан номзодини қўяди.
45 ёшли сиёсатчи асли кубалик америкалик. 2017 йилда у Маями шаҳри раҳбари этиб сайланган, 2021 йилда эса янги муддатга қайта сайланган.
Аввалроқ Республикачилар партиясидан президентликка номзодлик учун курашиш нияти ҳақида Оқ уйнинг собиқ раҳбари Доналд Трамп, Флорида губернатори Рон ДеСантис, собиқ вице-президент Майк Пенс, Жанубий Каролина сенатори Тим Скотт, АҚШнинг БМТдаги собиқ доимий вакили Никки Хейли маълум қилган эди. Шунингдек, Шимолий Дакота губернатори Дуг Бергум ва Ню-Жерси собиқ губернатори Крис Кристи ҳам ўз кучини синаб кўриш ниятида.
