Дам олиш кунлари иссиқ ҳаво ҳарорати сақланиб туради
Ҳаво ҳарорати иқлимий меъёрлардан 5-8 даража юқори бўлади.
«Ўзгидромет» хабарига кўра, бугун ва дам олиш кунлари Ўзбекистон ҳудуди бўйича қуруқ ва иссиқ об-ҳаво сақланиб туради, ҳаво ҳарорати ушбу давр учун иқлимий меъёрлардан 5-8 даражага юқори бўлади. Кундузи ҳаво 38-41 даражагача, жанубда ва чўл ҳудудларда баъзи жойларда 42-43 даражагача исийди.
Маълум қилинишича, бундай қийматларгача ҳаво ҳарорати 2016 ва 2021 йилларнинг энг иссиқ июнь ойларида кўтарилган.
Республиканинг шимолий ва чўл ҳудудларида шамол тезлиги баъзи жойларда 13-18 метр/секундгача кучайиши, айрим жойларда чанг-тўзон билан кузатилиши мумкин. Тошкент шаҳрида ҳаво булутсиз бўлади, вақти-вақти билан ўзгариб туради, ёғингарчилик кутилмайди. Ҳарорат асосан 38-40 даража бўлади.
