Дунёда жазирама қурбонлари сони ортиб бормоқда
У қишлоқ хўжалигида ҳам катта йўқотишга сабаб бўляпти.
Кетма-кет 2 йил давомида кузатилаётган ғайритабиий иссиқлик ва қурғоқчилик Европа иқтисодиётига зарар етказмоқда.
Йилдан-йилга ноқулай об-ҳаво шароитлари тобора кўпроқ инсонлар ҳаётига зомин бўлмоқда.
БМТ Жаҳон метеорология ташкилоти маълумотларига кўра, ўтган йилнинг ўзида Испания, Германия, Буюк Британия, Франция ва Португалияда 15 мингдан ортиқ одам ҳалок бўлган. Бундан ташқари, 2 йилдан бери мамлакатлар қишлоқ хўжалиги ва чорвачилик соҳаларида катта йўқотишларга дучор бўлмоқда.
Масалан, Латвия фермерлари ҳукуматдан узоқ давом этган қурғоқчилик туфайли фавқулодда ҳолат эълон қилишни сўрамоқда. Уларнинг прогнозларига кўра, бу йил ғалла ҳосили 30-50 фоизга кам бўлади. Қишлоқ хўжалигидаги қурғоқчилик йўқотишлари аллақачон юзлаб миллион еврога баҳоланган.
