Fox News телеканалининг собиқ бошловчиси Байденнинг ўғлини чет эл агенти деб атади

 

Fox News телеканалининг собиқ бошловчиси Такер Карлсон Тwиттерда АҚШ президенти Жо Байденнинг ўғли Хантер чет эл агенти мақомига лойиқ эканини айтди, чунки у ФҚБ маълумоти билан «отаси ва бошқа қонунчиларга йиллар давомида кириш ҳуқуқини сотган».

 

Журналистнинг сўзларига кўра, Хантер Байден АҚШнинг хорижий агентларни рўйхатга олиш тўғрисидаги қонунини (ФАРА) бир неча бор бузган. Карлсон президентнинг ўғли ўз хизматларини Хитой, Украина ва бошқа мамлакатларга таклиф қилганини таъкидлади.

 

«Агар тизим адолатли бўлса, Хантер Байден ФАРАни бузганликда айбланаётганлар рўйхатида биринчи бўларди. Хантер Байден чет эл агенти эди, у ҳеч қачон рўйхатдан ўтмаган», — деди Карлсон.

 

Унинг қўшимча қилишича, Вашингтон учун «америкалик сайловчилар эҳтиёжларидан» кўра Украина ҳукуматининг талаблари муҳимроқ. Журналист ФҚБ ҳеч қачон Хантер Байден фаолиятини текширмаслигига ишонч билдирди.

 

Аввалроқ, Вакиллар палатасида кўпчилик овозни қўлга киритган республикачилар АҚШнинг амалдаги президенти Жо Байден ўғли Хантер билан бирга фаол иштирок этган хорижий бизнес операцияларини текшириш ниятида эканликларини маълум қилган эди. Оқ уй бунга жавобан Республикачилар партиясини «узоқдан бери инкор этиб келинаётган фитна назарияларини» ишлаб чиқишда айблади.