АҚШда сунъий гўштни сотишга рухсат берилди
Лаборатория гўшти ҳайвонлардан олинган ҳужайралардан етиштирилади.
АҚШ Қишлоқ хўжалиги вазирлиги сунъий равишда етиштирилган гўштни сотиш учун рухсат берди. Бу ҳақда СNN хабар бермоқда.
Қайд этилишича, «Upside Foods» va «Good Meat» компаниялари «маданий товуқ гўшти» деб номланган маҳсулотни сотиш учун лицензия олган.
Қўшма Штатлар дунёда лаборатория гўштини сотишга рухсат берган иккинчи давлатга айланди. Бунгача у қонуний равишда фақат Сингапурда сотилган.
Компания вакилларининг сўзларига кўра, лаборатория гўштни истеъмол қилиш глобал иқлим ўзгаришига олиб келадиган иссиқхона газлари чиқиндиларини камайтиришга ёрдам бериши мумкин. Уларнинг айтишича, лаборатория гўшти ҳайвонлардан олинган ҳужайралардан етиштирилади.
