Тунисда поезд ағдарилиб кетди
Ҳалок бўлганлар орасида поезд машинист ва йўловчилар ҳам бор.
Тунис шарқида йўловчи поезди рельсдан чиқиб кетди ва ағдарилиб кетди, дея хабар берди Africa News.
SNCFT Давлат темир йўл компанияси маълумотларига кўра, икки киши ҳалок бўлган, 34 киши жароҳат олган.
Воқеа ярим тундан кейин содир бўлган. Тунис ва жанубдаги Габес шаҳри ўртасида ҳаракатланаётган поезд пойтахтдан 150 километр узоқликдаги Мсакена шаҳри яқинида рельсдан чиқиб кетди.
Ҳалок бўлганлар орасида поезд машинист ва йўловчилар ҳам бор.
«Автоҳалока ҳолатлари, сабабларини аниқлаш ва айбдор шахсларни аниқлаш бўйича тергов бошланди», — дея қўшимча қилди SNCFT.
ЙТҲ Тунис жанубида икки поезднинг тўқнашиб кетиши ва 100 га яқин одамнинг жароҳатланишидан 15 ой ўтгач содир бўлди.
Шунингдек, 2016 йилнинг декабрь ойида ҳам худди шу ҳудудда поезд ва жамоат автобуси тўқнашиб кетиши оқибатида 5 киши ҳалок бўлган, 50 дан ортиқ киши жароҳатланган эди.
2015 йил июнь ойида Тунис тарихидаги энг даҳшатли темир йўл ҳалокатларидан бирини бошдан кечирган: Тунисдан 60 километр жанубда жойлашган Эль-Фахсда поезднинг юк машинаси билан тўқнашиб кетиши оқибатида 18 киши ҳалок бўлган. Авария темир йўл кесишмасидаги сигнализация ишламай қолиши туфайли содир бўлган.
