Ўзбекистон ва АҚШ стратегик шерикликни янада мустаҳкамлашга келишиб олди

 

Бош вазир ўринбосари Жамшид Ходжаев бошчилигидаги Ўзбекистон делегацияси Вашингтонга ташриф буюрди ва АҚШдаги ҳукумат расмийлари ҳамда етакчи америка компаниялари вакиллари ҳамда раҳбарлари билан бир қатор учрашувлар ўтказди.

 

Инвестициялар, саноат  ва савдо  вазирлиги (ИССВ)  маълумотига кўра, АҚШ давлат котибининг Жанубий ва Марказий Осиё бўйича ёрдамчиси Доналд Лу, АҚШ савдо вазирининг ўринбосари Алан Эстевес, АҚШ савдо вакили ўринбосари Сара Бянки, АҚШ-Ўзбекистон Савдо палатаси раиси Керолин Лемм ва бошқа расмийлар билан музокаралар бўлиб ўтди.

 

АҚШ давлат котиби ёрдамчиси Доналд Лу билан учрашув давомида Ўзбекистон ва АҚШ ўртасидаги стратегик шерикликни янада кенгайтириш ва мустаҳкамлаш масалалари муҳокама қилинди. Америка томони Ўзбекистон билан йирик лойиҳаларни амалга оширишни назарда тутган ҳолда ҳамкорликни давом эттиришга тайёр эканлигини эътироф этди.

 

Суҳбат чоғида Ўзбекистоннинг Жаҳон савдо ташкилотига (ЖСТ) аъзо бўлиши жараёнининг тезлаштириш доирасида ҳамкорликни ривожлантириш келишиб олинди.

 

Шунингдек, АҚШ савдо вакили ўринбосари Сара Бянки билан мулоқотда Ўзбекистон сармоявий жозибадорлигини мустаҳкамлаш, савдо тўсиқларини бартараф этиш ҳамда савдо операцияларини янада осонлаштириш масалалари муҳокама қилинди. Учрашувда Ўзбекистонда энергетика, машинасозлик, тўқимачилик, қишлоқ хўжалиги, фармацевтика ва бошқа соҳаларда қўшма инвестиция лойиҳаларини амалга ошираётган АҚШ компанияларининг муваффақиятли фаолияти алоҳида таъкидланди.

 

АҚШ савдо вакили ўринбосари Сара Бянки билан мулоқотда Ўзбекистон сармоявий жозибадорлигини мустаҳкамлаш, савдо тўсиқларини бартараф этиш ҳамда савдо операцияларини янада осонлаштириш масалалари муҳокама қилинди. Учрашувда Ўзбекистонда энергетика, машинасозлик, тўқимачилик, қишлоқ хўжалиги, фармацевтика ва бошқа соҳаларда қўшма инвестиция лойиҳаларини амалга ошираётган АҚШ компанияларининг муваффақиятли фаолияти алоҳида таъкидланди.

 

Ташриф якунлари бўйича томонлар стратегик шерикликни янада мустаҳкамлаш, инвестициявий ҳамкорлик ва ўзаро савдони кенгайтиришга тайёрлигини тасдиқладилар.