Тошкентда Маркетплейслар ва электрон тижорат бозорига бағишланган бизнес-форум ўтказилди
Унда йирик компания вакиллари иштирок этган.
24 июнь куни “Hyatt Regency” меҳмонхонасида Маркетплейслар ва электрон тижорат бозорига бағишланган бизнес-форум ташкил этилди. Форумда Рақамли технологиялар вазирлиги, Солиқ қўмитаси ҳамда бир қатор йирик компания вакиллари иштирок этди.
Ҳозирги даврда айнан шу соҳага аҳамият қаратиш лозим. Мазкур форумда электрон тижорат соҳасидаги 300 га яқин энг кучли тадбиркорлар, давлат ташкилотлари масъуллари ва кичик бизнес эгалари жам бўлди.
МДҲ давлатларининг энг йирик маркетплейс раҳбарлари мазкур соҳани ривожлантиришга қаратилган ҳаракатлар стратегияси, омадли бизнес лойиҳалари ва тажрибалари, шунингдек, маркетплейсларнинг ривожланиши билан боғлиқ прогнозлар билан ўртоқлашишди.
Бизнес-форум иштирокчилари маркетплейсда фаолият юритиш сирларни билиб олиш, ва мазкур электрон бозоридаги ўрнини мустаҳкамлашга қаратилган муҳим кейсларга эга бўлишди.
