Ўзбекистонда болаларнинг боғчага қамров даражаси маълум бўлди
Қамров даражаси 2017 йилга нисбатан 2,5 баробарга оширилган
Мактабгача таълим агентлиги маълумотларига кўра, бугунги кунда республикада болаларнинг мактабгача таълим билан қамров даражаси 2017 йилга нисбатан (27,7 фоиз) 2,5 баробарга яъни 71,8 фоизга, мактабгача таълим ташкилотлари сони 5 211 тадан 29 420 тага етказилди.
Қайд этилишича, 2023 йил охирига қадар 3-7 ёшли болаларни мактабгача таълим ташкилотларига қамраб олиш даражасини 74,5 фоизга етказиш режалаштирилган.
Маълумот учун, бугунги кунда Ўзбекистонда 6 598 та давлат (шундан, 49 та идораларга қарашли), 833 та хусусий, 1 313 та ДХШ асосидаги нодавлат ва 20 676 та оилавий нодавлат мактабгача таълим ташкилотлари фаолияти йўлга қўйилган.
