Бир кунда қанча фуқаро ишга жойлаштирилгани маълум бўлди
Республика бўйича бир кунда 12 910 нафар фуқаролар билан иш берувчилар ўртасида меҳнат шартномалари имзоланган
Камбағалликни қисқартириш ва бандлик вазирлиги маълумотларига кўра, республика бўйича 14 июль куни 12 910 нафар фуқаролар билан иш берувчилар ўртасида меҳнат шартномалари имзоланган. Натижада 1 406 нафар фуқаролар ишга жойлаштирилган.
Шунингдек, 63 нафар фуқаролар ҳақ тўланадиган жамоат ишларига жалб этилган. Бундан ташқари, 539 нафар нафақа ёшига етган ишсиз фуқароларнинг меҳнат дафтарчаларидаги меҳнат стажи тўғрисидаги маълумотлар "Ягона миллий меҳнат тизими"га киритилди.
Шу билан бирга, тиббий-ижтимоий эксперт комиссиялари томонидан 499 нафар фуқароларга ногиронлик белгиланган.
