Халқаро жиноий суд ЖАРдан Путинни уларга топширишни сўради
Россия Президенти саммит учун ЖАРГа боради.
Жанубий Африка Республикаси халқаро ҳуқуқни ҳурмат қилган ҳолда "тўғри иш қилиши" ва Владимир Путин август ойида БРИКС саммитига келса, уни судга топшириши керак. Бу ҳақда Халқаро жиноий суд прокурори Карим Хон айтиб ўтди.
Хон Жанубий Африка ихтиёрий равишда Халқаро жиноий судга аъзо бўлганини эслатди.
“Жанубий Африка ўнлаб йиллар давомида инсониятга қарши жиноятлардан азият чекди ва менимча, уларга менинг сабоқларим керак эмас. Улар қонун нима эканлигини билишади ва наздимда, улар тўғри иш қиладилар. Ва биз БРИСС саммитида аслида нима бўлишини кузатамиз ва шунга мос равишда жавоб берамиз", — деди у.
Аввалроқ Жанубий Африка Президенти Владимир Путин БРИКС саммитида шахсан иштирок этишини айтган, бироқ Кремль улар ҳали қарор қилмаганини билдирган эди.
