Шавкат Мирзиёев Саудия Арабистонига боради
Ўзбекистон Президенти Саудия Подшоҳининг таклифига биноан 2 кун ушбу мамлакатда бўлади
Саудия Арабистони Подшоҳи Салмон бин Абдулазиз Ол Сауднинг таклифига биноан Шавкат Мирзиёев «Марказий Осиё — Кўрфаз араб мамлакатлари ҳамкорлик кенгаши» форматидаги биринчи саммитда иштирок этиш учун жорий йил 18-19 июль кунлари Жидда шаҳрида бўлади.
Президент матбуот хизматининг хабар беришича, бўлажак олий даражадаги учрашувда Саудия Арабистони, Баҳрайн, Қатар Давлати, Кувайт, Бирлашган Араб Амирликлари, Уммон, Қозоғистон, Қирғизистон, Тожикистон ва Туркманистон раҳбарлари ҳамда кенгашнинг бош котиби иштирок этиши кўзда тутилган.
Кун тартибига мувофиқ, сиёсий, савдо-иқтисодий, инвестициявий ва маданий-гуманитар соҳаларда минтақалараро ҳамкорликни ривожлантириш масалалари кўриб чиқилади. Халқаро ва минтақавий сиёсатнинг долзарб жиҳатлари юзасидан фикр алмашилади.
Шунингдек, саммит доирасида қатор икки томонлама учрашувлар ўтказилиши режалаштирилган.
