Тинч океанида уч ой сузиб юрган денгизчи қутқарилди
Тим Шеддок ва унинг ити Тинч океанида бўронга учраган ва уч ой давомида хом балиқ еб, ёмғир сувини ичиб, ёрдам кутган.
Тинч океанида 51 ёшли австралиялик Тим Шеддок қутқарилди, у ити билан бирга уч ой давомида очиқ океанда ўз кемасида сузиб юрган.
Шеддок апрель ойида Мексиканинг Ла-Пас портидан катамаранда йўлга чиққан. У Тинч океанидаги Франция Полинезияси архипелагига қадар 6000 км масофани босиб ўтишни режалаштирган. Унинг ити Белла кемада у билан бирга бўлган.
Саёҳат бошланганидан бир неча ҳафта ўтгач, улар катамарандаги электроника ва радио алоқаларини ўчириб қўйиб, кемани бошқариб бўлмайдиган ҳолатга келтирган бўронга дуч келган. Шеддок ва унинг ити 6 июль куни балиқ овлаш кемасидаги вертолёт томонидан аниқланмагунча, уч ой давомида очиқ океанда сузиб юрган.
Шу вақт ичида австралиялик ёмғир сувини ичган ва океанда овланган хом балиқни истеъмол қилган - Шеддокнинг балиқ овлаш тўри бўлган. Энди қутқарилганлар траулерда Мексикага қайтиб кетмоқда.
«Мен денгизда жуда оғир синовдан ўтдим. Мен дам олишим ва яхши овқатланиш керак, чунки узоқ вақт ёлғиз эдим. Соғлигим жойида», — дейди Тим Шеддок.
