Тожикистон президенти бешинчи марта Умра зиёратини адо қилди
Шунингдек, Эмомали Раҳмон учинчи марта Каъбага кирган.
«Марказий Осиё – Кўрфаз араб давлатлари ҳамкорлик кенгаши» форматидаги давлат раҳбарлари йиғилишида иштирок этиш учун Саудия Арабистонига ташриф буюрган Тожикистон президенти Эмомали Раҳмон 19 июль куни мусулмонлар учун муқаддас қадамжоларни зиёрат қилиб, Умра (кичик Ҳаж) зиёратини амалга оширди.
Президент матбуот хизмати маълумотларига кўра, Эмомали Раҳмон эҳром кийиб, Аллоҳнинг уйига кириб, Каъбатуллоҳ ичида 2 ракаат нафл намозини ўқиган. Шундан сўнг, у Сафо ва Марво тепаликларига чиқиб, Замзам қудуғидан сув ичган.
Таъкидланишича, бу Эмомали Раҳмоннинг Саудия Арабистонига расмий ва амалий ташрифларини олтинчиси бўлса, бешинчи марта Маккани зиёрат қилмоқда.
