АҚШлик эркак бурга чақиши оқибатида қўл-оёғидан айрилди
Шифокорлар сўнгги чора сифатида ушбу ишни қилишган
Nev York Post нашрига кўра, Техасда яшовчи эркакни бурга чақиши натижасида пайдо бўлган тиф касаллиги туфайли иккала қўли ва оёғининг бир қисми ампутация қилинган.
«Майкл Колхоф бармоқларида сезувчанликни йўқотиб, касалхонага олиб кетилди. Оила 35 ёшли эркакнинг касаллигини оғир грипп таъсири билан боғлаган. Бироқ, йигитнинг аҳволи ёмонлашишининг ҳақиқий сабаби битта бурга чақиши натижасида ривожланган тиф эди. Бироқ, тифнинг бу тури камдан-кам учрайди ва Қўшма Штатларда деярли ҳеч қачон учрамайди», — дейилади хабарда.
Қайд этилишича, реанимация бўлимига ётқизилган 35 ёшли йигитнинг аҳволи 11 кундан кейин яхшиланган. Бироқ кучли дори воситаларини қўллаш туфайли унда қўл ва оёқларнинг қуруқ гангренаси юзага келган.
Оқибатда шифокорлар йигитнинг иккала қўли ва оёғининг бир қисмини кесишга мажбур бўлишган.
