Гиёҳванд йиртқичлар: Флорида штатидаги акулалар кокаинга қарам бўлган

 

Флорида соҳилидаги акулалар контрабандачилар томонидан океанга ташланаётган кокаинга ўрганиб олишди, деб хабар берди New York Post.

 

Ҳар йили расмийлар томонидан катта миқдордаги гиёҳванд моддалар пляжларда ювилиб, океандан олиб чиқилади. Денгиз биологи Том Хёрд Флориданинг қирғоқ сувларида ювилган кокаинни акулалар истеъмол қиладими, деган саволга «Кокаин акулалари» номли янги телесериалида жавоб берди. Ушбу фильм келаси ҳафта Discovery каналида намойиш этилади.

 

Дастур доирасида Хёрд ва унинг ҳамкасби, Флорида университети экологи Трейси Фантана Флорида-Кис оролларида гиёҳвандликка чалинган акулалар устида бир қатор тажрибалар ўтказди.

 

Хёрд ва Фантана сув остига шўнғиб, баъзи акулалар жуда ғалати ҳаракат қилаётганини пайқашди. Одатда, одамлардан қочиб кетадиган болға бошли акула улар томон диагонал сузиб келаётганга ўхшарди. 60 фут чуқурликда улар тор майдон атрофида сузаётган ва ҳеч нарса йўқ жойга диққат билан тикилиб турган қум акуласини кузатди.

 

Кейинроқ улар кокаин солинган қопларга ўхшаган пакетларни сувга ташлаб, акулалар қандай реакцияга киришганини синаб кўришди.

 

Тажриба давомида улар қўғирчоқ оққушнинг ёнига сохта сумкалар қўйишди ва акулалар тўғридан-тўғри унинг ёнига бориб, тишлаганини кўриб ҳайрон қолишди. Битта акула ҳатто сунъий сумкани тишлаб олиб ҳам кетди.

 

Хёрд ва Фантана тажрибани давом эттирди — улар акулаларда допаминни чиқариш учун юқори концентрланган балиқ овқатидан кокаин тўпини ясади. Дастурда акулалар тўпни кўриб «ақлдан озган»инига гувоҳ бўлган.

 

Ўзларининг сўнгги тажрибасида улар самолётдан бир қоп кокаин туширгандек кўринишди ва препаратнинг акула экотизимига қандай кириб боришини аниқлашга ҳаракат қилишди. Олимлар акулаларнинг айрим турлари сохта дори-дармонларни «овлаётганини» пайқашди.

 

Хёрднинг таъкидлашича, тажрибалар Флорида қирғоқларида кокаинга қарам акулалар пайдо бўлганини ҳали исботлай олмайди. Унинг сўзларига кўра, кўпроқ тажриба ўтказиш керак. Акулаларни кокаинга шунчалик жалб қилишининг бошқа сабаблари ҳам бўлиши мумкин.

 

Мухтасархон Тошпўлатова