Ўзбекистонда бугунги кунда қанча камбағал оила борлиги маълум қилинди
Йил якунига қадар 1 млн аҳоли камбағалликдан чиқарилиши кутилмоқда
Камбағалликни қисқартириш ва бандлик вазирлиги маълумотларига кўра, Ўзбекистонда бугунги кунда 1млн 307 минг 800 та камбағал оилалар мавжуд.
Таъкидланишича, республика бўйича камбағаллик даражаси 17 фоиздан 14,1 фоизга тушган.
«Йил якунида бу кўрсаткич 14,1 фоиздан 12 фоизга, яъни, 1 млн 307 минг 800 дан 1 млн 180 минг оилага қисқариши кутилмоқда», — дейилади хабарда.
Қайд этилишича, 2023 йилнинг декабрь ойига келиб, республикадаги 130 мингга яқин оила яъни, 1 млн аҳоли камбағалликдан чиқарилиши режалаштирилган.
