Украина биринчи марта Қрим кўпригига қилинган ҳужумга алоқадорлигини расман тан олди
Украина хавфсизлик хизмати раҳбари унинг бўлими 2022 йил октябрь ойида Қрим кўпригини портлатганини айтди
Украина хавфсизлик хизмати биринчи марта 2022 йилда Қрим кўпригига қилинган ҳужумга алоқадорлигини расман тан олди.
Украина хавфсизлик хизмати раҳбари Василий Малюк 2022 йилда Қрим кўпригида ўтказилган ноёб махсус операция УХХ иши эканлигини биринчи марта расман тасдиқлади, деб хабар беради «РБК-Украина».
«Кўп турли хил махсус операциялар. Биз уларнинг баъзилари ҳақида ғалабадан кейин гаплаша оламиз, баъзилари ҳақида умуман гапирмаймиз... Бу бизнинг амалга оширишимиздан бири, яъни: ўтган йилнинг 8 октябрида Қрим кўпригининг вайрон бўлиши», - деди Малюк.
Маълумот учун, Қрим кўпригининг биринчи портлаши 2022 йил октябрь ойида юк машинасида портловчи моддалар ёрдамида содир бўлганди. Иккинчи портлаш эса 2023 йил июль ойида кўприк қайта тикланганидан сўнг учувчисиз ер усти воситалари ёрдамида яна портлатиб юборилди. Россия яна Украинани воқеада айблади. Киев бунинг учун жавобгарликни расман ўз зиммасига олмади, бироқ президент Владимир Зеленский портлашдан сўнг Қрим кўприги «зарарсизлантирилиши керак бўлган» нишон деб атади .
