SpaceX дунёдаги энг оғир тижорат алоқа сунъий йўлдошини учиришни бекор қилди
Ушбу ҳолат ракета учирилишидан бир дақиқа аввал содир бўлган.
SpaceX 27 июль куни Юпитер 3 сунъий йўлдошини олиб кетувчи Falcon Heavy космик кемасини учиришни бекор қилди, деб эълон қилди космик компания Twitter'да. Бу кема учирилишидан 65 сония олдин содир бўлди, деб ёзади Space.
Учириш Флоридада жойлашган Кеннеди коинот марказидаги Launch Complex 39 А дан амалга оширилиши керак эди. SpaseX'нинг тушунтиришича, учириш “тўхтатиш мезонлари бузилгани учун” бекор қилинган ва яна бир уриниш 28 июль куни амалга оширилади.
Ракета орбитага энг йирик тижорат алоқа сунъий йўлдоши Юпитер 3 ни олиб чиқиши режалаштирилган. Сунъий йўлдошнинг оғирлиги 10 тоннага яқин ва тўлиқ ишга туширилгандан сўнг қанотлари тижорат самолётлариникига ўхшаш бўлади, дея таъкидлайди Space.
