Август ойи қандай об-ҳаво билан бошланиши маълум қилинди
«Ўзгидромет» 31 июлдан 4 августгача кутилаётган об-ҳаво прогнозини эълон қилди.
«Ўзгидромет» маълумотларига кўра, ушбу ҳафта давомида Ўзбекистон ҳудуди бўйича ўртача иссиқ об-ҳаво сақланиб туради. Кундуз кунлари ҳаво 35-40 даражагача, жанубда ва чўл ҳудудларда баъзи жойларда 42 даражагача исийди.
Қайд этилишича, ҳаво бироз булутли бўлади, баъзи жойларда ўзгариб туради, ёғингарчилик кутилмайди, фақат Тошкент вилояти ва Фарғона водийси вилоятларининг тоғли ҳудудларида 1 август куни қисқа муддатли ёмғир ёғиши, момақалдироқ бўлиши мумкин.
Шунингдек, 31 июль ва 1 августда шимолда ва чўл ҳудудларда, 3-4 августда республика бўйича баъзи жойларда шамол тезлиги 13-18 метр/секундгача кучайиши, айрим жойларда чанг-тўзон билан кузатилиши мумкин.
Таъкидланишича, кейинги дам олиш кунларида республика бўйича ҳарорат фони бироз пасайиши кутилмоқда. Жумладан, кундузги ҳарорат 33-38 даража атрофида бўлади.
