Трамп республикачилар орасида президентликка етакчи номзод
У бошқа рақибларини ортда қолдирмоқда.
АҚШнинг собиқ президенти Дональд Трамп бошқа Республикачилар партиясидан президентликка номзодлар, жумладан Флорида губернатори Рон ДеСантисдан анча олдинда бормоқда. Эълон қилинган сўров маълумотлари шуни кўрсатди.
"The New York Times" ўтказган тадқиқотга кўра, сўровномада иштирок этганларнинг 54 фоизи Трампга овоз беришини айтган.
Шу билан бирга, Республикачилар партияси кампаниясининг бошқа потенциал иштирокчилари, жумладан, собиқ вице-президент Майк Пенс ва Жанубий Каролина собиқ губернатори Никки Хейли 3% ёки ундан кам овоз тўплашмоқда.
Айни дамда Трамп устидан бир неча суд ишлари олиб борилмоқда, прокурорлар унга 37 та модда бўйича айблов эълон қилган. Шу билан бирга, собиқ президент ўз айбини тан олмай, содир бўлаётган воқеаларни бемаънилик ва Жо Байденнинг амалдаги маъмуриятининг ваколатларини суиистеъмол қилиш деб атаганди.
