Трампга Капитолийга ҳужум иши бўйича айблов қўйилди
Трамп 2020 йилги сайловда Байденга ютқазганини билган, бироқ ҳокимиятда қолишни хоҳлагани учун ўзининг ғалабаси ҳақида ёлғон даъволарни тарқатган ва натижаларни аниқлаш жараёнига аралашишга уринганликда айбланмоқда.
АҚШнинг собиқ президенти Доналд Трампга нисбатан 2021 йил 6 январда Капитолийга бостириб кириш билан боғлиқ жиноий иш бўйича расман айблов эълон қилинди. Бу махсус мустақил маслаҳатчи Жек Смит томонидан эълон қилинган ҳужжатдан маълум бўлди. Федерал Катта ҳакамлар ҳайъати айбловни қўллаб-қувватлаш учун овоз берган.
Қайд этилишича, Трамп тўртта моддада айбланмоқда: давлатни алдаш мақсадида фитна уюштириш, расмий жараёнга тўсқинлик қилиш, расмий жараёнга тўсқинлик қилишга уриниш ва ҳуқуқларни бузиш учун тил бириктириш. Прокурорларга кўра, Трамп ўзининг Жо Байден устидан ғалаба қозонгани ҳақидаги айбловлар ёлғон эканлигини билган, бироқ у бу ҳаракатлари билан Америка жамиятида «ишончсизлик ва ғазабнинг кескин муҳитини» яратиш ва «сайлов жараёнига жамоатчилик ишончини сусайтириш» учун амалга оширган, дея хабар беради Reuters.
Ҳужжатда Трамп, прокурорларга кўра, сайловда “мағлубиятга учраганига қарамай, ҳокимиятда қолишга қатъий қарор қилгани” очиқ айтилади, деб ёзади The New York Times.
Бундан ташқари, собиқ президент билан бирга исм-шарифлари ошкор этилмаган олти киши, жумладан, адвокатлар «сохталаштириш ҳақидаги асоссиз даъволарни тарқатганлик» учун айбланган. Айблов хулосасида Смитнинг таъкидлашича, Трамп бу чиқишларни «ақлдан озган» деб атаган, лекин уларни тарқатишда иштирок этган.
Шунингдек, нашрнинг ёзишича, 3 август куни Трамп Вашингтон полициясига таслим бўлиши ва эҳтиёт чорасини белгиловчи судья ҳузурига чиқиши керак.
