Пекин мисли кўрилмаган сув тошқинлари остида
Хитой шимолида 20 га яқин одам ҳалок бўлган, 133 мингдан ортиқ киши жабрланган.
Хитойда қутқарувчилар бир неча кун давом этган мисли кўрилмаган ёмғирдан кейин сув тошқини туфайли тўсиб қўйилган Пекин кўчаларида қутқарув-қидирув ишларини бошлаб юборди. Сув босган чекка ҳудудларга вертолётлар юк ташимоқда.
Сўнгги бир неча кун ичида минтақа шаҳарларида камида 20 киши ҳалок бўлган, 27 киши бедарак йўқолган ва 133 мингдан ортиқ киши жабрланган. Тўхтовсиз ёғаётган ёмғир оқибатида кўчаларни сув босиб, дарахтларни ағдариб ташлаган ва электр узатиш линиялари шикастланган.
Тошқин Пекин расмийларини саросимага солиб қўйган. Хитой пойтахти одатда қуруқ ва доимий иссиқ ҳавога эга.
Хитойда энг кўп ҳалокат келтирган сув тошқини 1998 йилда бўлиб, ўшанда 4150 нафар киши ҳалок бўлган эди.
