Дам олиш кунлари ҳаво ҳарорати пасаяди
«Ўзгидромет» дам олиш кунлари кутилаётган об-ҳаво маълумотини эълон қилди.
«Ўзгидромет» маълумотларига кўра, бугун ва эртага Ўзбекистон бўйича ўртача иссиқ об-ҳаво сақланиб туради. Ҳаво ҳарорати 35-38 даража атрофида, баъзи жойларда 40 даражагача, жанубда айпим жойларда 42 даражагача бўлади.
Республиканинг катта қисмида ҳаво асосан бироз булутли бўлади, ёғингарчилик кутилмайди. Фақат 5 август куни шимоли-ғарбий ҳудудларга жанубий Урал ҳудудларидан нисбатан нам ва салқин ҳаво массалари кириб келиши бошланади.
Натижада Қорақалпоғистон Республикаси ва Хоразм вилоятида 5 август куни баъзи жойларда қисқа муддатли ёмғир ёғиши, момақалдироқ бўлиши мумкин, ҳаво ҳарорати 32-37 даражагача пасаяди.
«Республика ҳудудининг катта қисмида ёғингарчиликсиз об-ҳаво сақланиб туради, фақат республиканинг тоғ олди ва тоғли ҳудудларида, шунингдек Бухоро, Навоий вилоятларида, кечаси эса Хоразм вилоятида баъзи жойларда қисқа муддатли ёмғир ёғиши, момақалдироқ бўлиши мумкин», — дейилади хабарда.
Таъкидланишича, 6 август куни нисбатан нам ва салқин ҳаво массалари кириб келиши республиканинг барча ҳудудларига тарқалади. Кундузги ҳарорат барча жойларда 30-35 даражагача, жанубда эса 35-38 даражагача пасаяди.
