Ўзбекистонда дарёлар аҳволи қандай?
Маълумотларга кўра, дарёларнинг сув сатҳи 5 метрга пасайиб кетган.
Олий Мажлис Сенатининг қирқ учинчи ялпи мажлиси ахборотида Ўзбекистондаги дарёлар ҳолати ҳақида маълумот берилди.
Унга кўра, Зарафшон дарёси қирғоғида жойлашган Зарафшон миллий табиат боғи ҳудудида ерости сувлари сатҳи 3-4 метргача пасайиши оқибатида дарахтлар қуриб қолмоқда.
Қорадарё ва Оқдарёда қум ва шағал ноқонуний қазиб олиниши атроф-муҳит, сув ва йўл хўжалиги объектларига салбий таъсир кўрсатган.
Ҳозирги кунда дарёларнинг сув сатҳи 5 метрга пасайиб кетган. Дарёлар ўзанлари устига қурилган автомобиль йўлларидаги кўприкларнинг таянч устунлари очилиб қолган.
