Ҳафта давомида кузатиладиган об-ҳаво маълумоти эълон қилинди
Ўзбекистонда ҳафта охирига бориб ҳаво ҳарорат пасайиши кутилмоқда.
«Ўзгидромет» маълумотларига кўра, кеча, 6 августдан Ўзбекистон ҳудудига Урал ҳудудларидан нам ва нисбатан салқин ҳаво кириб келишни бошлаган. Натижада ҳаво ҳарорати республиканинг катта қисмида 30-35 даражагача пасайди.
Таъкидланишича, бугун ва эртага республика бўйича ҳарорат асосан 30-35 даража, шимолда, жанубда ва чўл ҳудудларда 37-39 даражагача бўлган нисбатан салқин об-ҳаво сақланиб туради. Фарғона водийси вилоятларида, шунингдек, бугун, 7 август куннинг иккинчи ярмида Тошкент вилояти бўйича баъзи жойларда қисқа муддатли ёмғир ёғади, момақалдироқ бўлиши мумкин.
Ҳафта ўртасида Ўзбекистон бўйича ҳаво асосан кам булутли бўлади, ёғингарчилик кутилмайди. Ҳаво ҳарорати кўтарилади ва 35-37 даража атрофида, жанубда ва чўл ҳудудларда 38-39 даражагача бўлади.
Ҳафта охирига келиб, ҳарорат фони 2-3 даражагача пасайиши кутилмоқда.
