Миллардерлар жанги қандай бўлади?
Маск Сукербергга қарши жангда қайси усулдан фойдаланишини маълум қилди.
Америкалик тадбиркор ва миллиардер Илон Маск Марк Сукербергга қарши бўлажак жангида кураш элементларидан фойдаланмоқчи.
“Мен жанг услуби сифатида WWЕ-ни танлайман”, деб ёзган Маск Х ижтимоий тармоғида.
Шунингдек, Маск бўйин ва орқа қисмини МРТ қилдириши кераклигини ва агар зарур бўлса жарроҳлик столига ётишини ҳам маълум қилган.
Маск Сукерберг билан жанг Х ижтимоий тармоғида жонли эфирда намойиш этилишини ва барча тушум фахрийлар учун хайрия жамғармасига йўналтирилишини маълум қилди. Тайёргарликдаги жисмоний формасини изоҳлар экан, агар жанг чўзилиб кетса, у мағлуб бўлиши мумкинлигини тан олди.
Маск аввалроқ Сукерберг билан октагонда жанг қилишга тайёрлигини ёзганди. Кейинроқ Сукерберг Маскни Инстаграм аккаунтида манзилини юборишни таклиф қилди. Миллиардерлар жангни Италиянинг Колизейида ўтказиш вариантини кўриб чиқишди.
УФC президенти Дана Уайт Маск ва Сукерберг билан жангни ташкиллаштириш бўйича музокаралар олиб борганини айтди. Уайтнинг сўзларига кўра, иккала тадбиркор ҳам курашга жиддий ёндашади. Унга кўра, жанг Лас-Вегасда кўргазма форматида ўтиши мумкин ва атлетика комиссияси томонидан назорат қилинмайди.
