Уруш бошидан бери Европа компаниялари 100 млрд зарар кўрди
Экспертлар келажакда йўқотишлар ҳажми янада ошишини айтмоқда.
24 февралдан бери Россия бозоридаги Европа компаниялари камида 100 млрд евро йўқотди. Бу ҳақда Буюк Британиянинг The Financial Times нашри хабар қилмоқда.
Нашр Европанинг энг йирик компанияларининг сўнгги 1,5 йилги ҳисоботларини таҳлил қилиб чиқиб, шундай хулосага келган.
Хабар қилинишича, Европанинг 176 та компанияси “активлар, харажатлар, курс алмаштириш ва бошқа харажатлар билан боғлиқ муамиоларга дуч келган”. Экспертлар келажакда йўқотишлар ҳажми янада ошишини айтмоқда.
Нашр таъкидлашича, Россия бозоридан чиқишдан энг кўп нефть-газ компаниялари зарар кўрган.
